翻箱倒櫃看照片:暗訪淡水河

丹丹去新ê學校報到了後，怹老師hō怹ê其中一項暑假作業就是逐工攏愛騎半點鐘ê孔明車。平常時 ko-chiâⁿ丹丹去騎孔明車，攏無bē chhap我；老師講ê話干若是聖旨，講愛騎孔明車，就一直叫我chhōa伊去孔明車。自按呢，即歸工暗暝，阮歸家伙仔攏去淡水河邊去騎孔明車，寫暑假作業。

暗頓食飽飽去淡水河邊騎車，真適合慢慢仔踏，干若親像散步彼款速度慢慢仔踏。日時ê台北城干若火爐，熱kah hō人強欲抓狂，暗暝溫度降落來，無遐呢燒熱，變kah真涼爽！草垺仔內底ê蟲、溝邊ê水雞、蟑蜍hām樹頂ê蟬唱歌唱kah真好聽，天頂ê月娘真光，風微微仔吹，送來一陣閣一陣拄仔割了ê青草ê芳味，真享受！暗時ê淡水河邊ê景緻實在讚！莫怪暗暝佇淡水河邊騎孔明車ê人遐濟，一台續過一台，咻咻過！

熱天ê暗暝，真適合kā客廳ê電視hām電火關掉，離開冷氣聲轟轟叫ê大樓，去淡水河邊坐孔明車搧東風。即禮拜歇睏日ê暗暝，國家文化藝術基金會贊助ê第四屆歌仔戲製作及發表專案匯演拄仔好佇大稻埕霞海城隍廟廟埕頒演。今仔日頒演ê歌仔戲是一心戲劇團ê《聚寶盆》，看戲ê人kā戲棚跤that kah tīⁿ-tīⁿ-tīⁿ，鬧熱滾滾！

一心戲劇團ê劇情安排讚、佈景做kah真幼路、舞台兩爿閣有字幕方便聽無台語ê人看，會使講無論佇劇情、舞台hām演出，攏有水準以上ê表現！續落來閣有兩場：明仔載是春美歌劇團《將軍寇》；禮拜暝是秀琴歌劇團《玉石變》，有興趣ê人會使去看mai！歇睏日坐孔明車去淡水河邊搧東風，去大稻埕看免錢閣好看ê歌仔戲，按呢真好nih！

華語對譯

丹丹去新的學校報到後，她們的老師給她們的其中一項暑假作業就是每天都要騎半個鐘頭的腳踏車。平常時千拜託萬拜託丹丹一起去騎腳踏車，她都不理我；老師講的話就像聖旨，說要騎腳踏車，就一直催我帶她去騎腳踏車。就這樣託丹丹的福，這幾天晚上，我們全家都去淡水河邊去騎腳踏車，寫暑假作業。

晚參吃得飽飽去淡水河邊騎車，很適合慢慢的騎，就像散步那種步調慢慢的騎。白天的台北市區像火爐一樣，熱得讓人要抓狂，夜晚溫度降下來，不像白天灼熱，很涼爽！草堆裡面的蟲、水溝邊的青蛙、蟾蜍和樹上的蟬，唱歌唱得真好聽，月色很美，風微微的吹，送來一陣又一陣剛割過的青草香味，很是享受！晚上的淡水河邊風景實在讚！難怪在淡水河邊夜騎的人那麼多，一台接著一台，咻！咻！咻！

夏天的晚上，很適合把客廳的電視和電燈關掉、離開轟轟叫的大樓，騎腳踏車去淡水河邊散步吹風。這個週末夜晚，國家文化藝術基金會贊助的第四屆歌仔戲製作及發表專案匯演剛好在大稻埕霞海城隍廟廟埕演出。今晚登場的歌仔戲是一心戲劇團的《聚寶盆》，看戲的人把廟埕塞得滿滿滿，熱鬧滾滾！

一心戲劇團的劇情安排讚、佈景做得很細緻、舞台兩邊又有字幕方便聽不懂台語的人看。可以說，無論在劇情、舞台和演出，都有水準以上的表現！接下來還有兩場：明晚是春美歌劇團《將軍寇》；週日晚是秀琴歌劇團《玉石變》，有興趣的人可以去看看！休假日騎腳踏車去淡水河邊散步，去大稻埕看免錢又好看的歌仔戲，真好！真好！

姓名 :
Email :
URL :
回應狀態:	公開私密
	記住我的資訊顯示我的圖像 ( 登入或申請個人圖像 )
回應內容 :

翻箱倒櫃看照片

July 12,2008

暗訪淡水河

引用URL