翻箱倒櫃看照片

北宜公路，2008.4，陳俊穎攝影

小金是一間電視台ê翕影記者，兩月進前佇劉兆玄內閣ê新生訓練會場拄著伊，伊講伊欲ham同業騎孔明車環島。彼工，伊真無閒，手機仔ka bē 停，一直leh hām一間腳踏車行ê頭家講電話，調一寡仔腳踏車ê零件。小金佇國中時陣就是自由車選手，對孔明車真內行，阮想，伊欲買ê零件應該攏是一等一。


頂禮拜阮轉去辦公室值班，欲下班時，阮「圖書館」大ê kā阮叫過去，伊拍開電腦內底一个畫面，問阮敢有熟識相片內底ê翕影記者？我講，遮敢毋就是x視ê翕影小金！毋拘相片hō阮上拍著驚ê，就是彼台孔明車後壁彼兩ka水筒！



是按怎無愛用看起來kah pu lo ê馬鞍袋，那會用遮呢兩光ê水筒hām菜籃仔去tu 歸台灣？小金講，伊ê辦公室佇內湖瑞光街面頂，有一擺伊下班步輪轉去南港ê兜，伊經過一間五金行，看著內底ê白色水筒，hō伊靈機一動，kā 水筒改裝做馬鞍袋。伊講，清采一个馬鞍袋上少嘛愛一千箍，伊買ê水筒，一ka毋遮一百箍，「按呢kha俗啦！」伊講。



小金按算，騎車時，彼兩ka水筒就keng行李，百分之百防水，完全毋驚落雨！暗時歇睏時，水筒內底ê行李攏提出來，彼兩ka水筒就會使提來洗身軀用，身軀洗好，順續kā洗好ê衫褲keng佇彼兩ka水筒，摜去脫水，按呢真實用！



裝佇孔明車頭前彼个菜籃仔嘛真趣味，小金講，伊kā伊彼ê相機keng菜籃仔內底，想欲翕相時，就會使隨時提起來翕。菜籃仔內底閣keng水、水果hām一寡四秀仔，看起來bē- sū才ui 市仔買菜轉來！小金講，菜籃仔內底閣有一項秘密武器─沃花用ê花灑！伊講，佇南部日頭赤炎炎，真gâu流汗，伊就kā花灑ui伊ê面沃沃leh，按呢真涼！真爽！



阮真濟騎車ê朋友，不時就聽到怹為著欲佇車速上贏人一分一秒，就kā怹ê孔明車hām零件upgrade！車愈換愈好，物件愈換愈讚！阮感覺怹上hēng ê 待誌就是upgrade! upgrade! upgrade! 阮kha無法度體會怹彼款upgrade零件ê趣味；親像小金按呢，發揮創意，毋是開大錢，干單載兩ka水筒閣裝一个菜籃仔，用遮呢兩光ê裝備嘛會使去環島，hō人真欽佩！小金用水筒hām菜籃仔顛覆愛騎好車，用上好ê裝備去環島ê思維，實在愛好好仔ka 拍蹼仔 o-ló 一leh！



華語對譯



小金是一家電視台的攝影記者，兩月前在劉兆玄內閣的新生訓練會場遇到他，他說他要和同業騎腳踏車環島。那天，他忙得很，手機打個不停，一直和一家腳踏車行的老板講電話，調一些腳踏車的零件。小金在國中時代就是自由車選手，對腳踏車很內行，我想，他要買的零件應該都是頂級料件。



上星期我回辦公室值班，快下班時，我那「不睡覺的圖書館」長官 把我叫過去，他打開電腦一個畫面，問我認不認識相片裡的攝影記者是誰？我說，這不就是x視的攝影小金！不過，那張相片最讓我驚訝的，就是那輛腳踏車後面那兩個水筒！



為什麼不用看起來比較專業的馬鞍袋，而要用這麼簡陋的水筒和菜籃去t環島呢？小金說，他的辦公室在內湖瑞光街，有一次他下班走路回去南港的家，它經過一家五金行，看到裡面的白色水筒，讓他靈機一動，把水筒改裝做馬鞍袋。他說，隨便一個馬鞍袋至少要一千元，他買的水筒，一個不過一百元，「這樣比較便宜啦！」他說。



小金打算，騎車時，那兩個水筒就放行李，百分之百防水，完全不用擔心下雨淋濕行李！晚上休息時，水筒內的行李通通拿出來，那兩個水筒就可以拿來洗澡用，身體洗好，順便把洗好的衣褲放在那兩個水筒，提去脫水，非常實用！



裝在腳踏車前的菜籃也很有趣！小金說，他把他的相機放在菜籃，想拍照時，隨拿隨拍。菜籃內還放水、水果和一些零食，看起來好像才剛從 市場買菜回來的樣子！小金說，菜籃內還有一樣秘密武器─澆花用的花灑！他說，南部陽光赤豔，很會流汗，他就用花灑從他的臉上淋一淋，這樣很清涼！很爽快！



我有很多騎車的朋友，常常聽到他們為了在車速上贏別人一分一秒，就把他們的腳踏車和零件升級！車愈換愈好，東西愈換愈高檔！我覺得他們最感到興味的事就是升級！升級！再升級！我比較沒有辦法體會他們那種更新零件的樂趣；不過，像小金這樣，發揮創意，而不是花大把大把的錢，單單載著兩個水筒再裝個菜籃，用這麼簡陋的裝備也可以去環島，真讓人欽佩！小金用水筒和菜籃顛覆要騎好車，用高檔裝備去環島的思維，實在要好好的拍手稱讚一下！