翻箱倒櫃看照片

合歡梅峰毛地黃，2008.5


進前，逐擺去合歡山騎車攏拄著落雨，我心內想過一擺擱一擺，一定是我逐擺攏佇山頂食羊排、牛排擱飲紅酒，傷過頭生臊，予天公伯看了足鑿目，刁工落雨kah我沃、透風kah我吹，擱kah山頂罩濛罩kah濛濛濛，無愛予我看著懸山e媠風景！


頂禮拜和中央社e佳璋去合歡山騎車，即擺，我m敢擱chah羊排、紅酒，干單chah泡麵和俗phang，我想講按呢，天公伯應該beh擱對我使性地，會使予我看著足久攏無看著e合歡山e容貌和仰望規仔冬攏m捌看過，開kah規山頂e森氏杜鵑。


好佳哉，食kah壞有影運氣有kah好，天氣有夠好，天頂連一片雲攏無！連阮住e民宿e少年頭家攏講，像五六月梅雨e雨水期，山頂當咧開花e森氏杜鵑定定予雨沃kah爛糊糊，像這款青青青e好天氣真罕得，干單秋天才有。伊講，阮e運氣足好e！


好啊，mai厚話，就請大家看合歡山的媠花、媠風景！

我足愛佇台灣e懸山公路騎車，尤其是佇海拔兩千五公尺以上e懸度。遐e樹仔攏是規千年規百年，已經作仙e大樹仔，聽著聲無看著影的鳥仔聲，怹e叫聲kah山跤e鳥仔攏無同款。懸山e扮勢、大樹仔e體態、遐e空氣kah恬靜，he m是一般e山有法度比，予我感覺自平常e生活跳脫出來。








我去合歡山騎車五擺才有拄著遮呢好e天氣，佳璋第一擺去合歡山就拄著！運氣真好！








森氏杜鵑，合歡主峰

足久！足久進前我就仰望有一工，會使到三千公尺以上e懸山看開kah規山頭e森氏杜鵑。規仔年過去，這个願望一直無法度實現，一直到舊年這个時陣，我去合歡山騎車看花，真可惜，森氏杜鵑e花期已經欲結束，而且天氣無外好，罩濛擱落雨，花攏予雨沃kah欲死欲死，無好看！

即擺我擱專工去看森氏杜鵑，總算有看到開kah當媠e森氏杜鵑！怹規陣開佇青青的天頂之下，開佇三千公尺懸山e頂頭，一片擱一片看beh煞，我佇山頂恬恬kah怹欣賞，會使看著干單佇三千公尺懸e山頂才看著到e花kah風景，心肝底有夠感動！




















我即台孔明車自2001年10月買來到即馬，已經欲七冬。足濟朋友攏kah我講，騎欲七冬e孔明車已經足夠額，會使換一台新e。無拘，我kah壞去的鏈仔、擋仔線、擋皮仔、內外胎換新e了後，騎起來嘛好勢！好勢！按呢就欲kah當做歹銅壞鐵賣掉，實在拍損。


彼工我騎佇合歡山e山路，想講，我e孔明車七冬來對我盤山過嶺四界行(請參考單車遊台灣這个單元)，來合歡山嘛已經五擺，無拘，到即馬煞猶原無名無姓，應該愛有一个名才對！我佇海拔三千四百十六公尺懸e合歡主峰，想著一个足四配e名，我kah我e孔明車號一个足粗勇e名：「罔騎」！(華語，姑且再繼續騎下去之意)，雖然伊有淡薄仔兩光、無啥物好騎，無拘，我仰望伊就親像伊e名，耐操有擋頭，會使繼續摧落去，繼續tu規台灣！








佳璋位合歡主峰騎落來，佇伊e後面就是合歡東峰和武嶺。伊講，後擺欲擱去合歡山騎車，愛kah伊相招一下，伊欲擱來騎！嗯，我想，伊嘛kah我同款，佇遮呢媠e懸山騎車，已經中得合歡山癌矣！




華語對譯，




之前，每次去合歡山騎車都遇到下雨，我的心裡一次又一次的想著，一定是我每次都在山上吃羊排、牛排還喝紅酒，吃得太過豐盛，才會讓老天爺看的很刺眼，故意下雨淋我、刮風吹我，又在山上翻雲覆雨，就是不讓我看到高山美麗的風景！


上星期和中央社的佳璋去合歡山騎車，這次，我不敢再帶羊排、紅酒，就只帶泡麵和麵包，我想這樣，老天應該不會再對我發脾氣，應該會讓我看到很久都沒看過的合歡山的容貌和盼望好幾年都沒看過，開k得滿山頭的森氏杜鵑。


還好，吃得不好一點運氣真的有比較好，天氣真好，天上連一片雲都沒有！連我們住的民宿的年輕老板都說，像五、六月梅雨季節，山上開的正漂亮的森氏杜鵑總是被雨打得稀爛，像這種藍藍的天的好天氣很難得，只有秋天才有。他說，我們的運氣有夠好！


好了，廢話少說，就請大家看合歡山的美麗花兒和漂亮風景吧！