翻箱倒櫃看照片

進前bat騎跤踏車去金瓜石草山雷達站，彼工天氣無外好，濛！濛！濛！干單會使看著路兩爿ê菅芒花，真無采。頂禮拜五閣去金瓜石騎車，天氣真好，出大日頭，有夠好運！金瓜石四箍輪轉ê山尾溜攏看透透，總算看著草山雷達站ê山勢。


真夭壽，草山雷達站佇對面ê山頂，我佇貂山古道即面ê山頂，愛先落崎，閣再慢慢仔peh崎到山頂！歸條路攏是大細粒石頭仔hām 破磚仔角、破tailu(磁磚)，真歹行。我足驚我ê輪仔會去予刺破。山壁有夠懸，山頂看be盡磅。山路硬鬥，看kah我ê目睭烏暗眩，雙跤軟-kô-kô！


m̄-kú，聽講，佇草山雷達站面頂，天氣好ê時陣，東北角海岸線看現現，hām 福隆海浴場嘛看kah清清楚楚。有山、有海閣有開kah滿山坪ê菅芒花，遮呢嫷ê風景真想beh看mai。頭lêlê，m敢giâ頭看山頂，慢慢仔踏，一步，一步，勻勻仔beh起去。

華語對譯，



之前曾經騎腳踏車去金瓜石草山雷達站，很可惜那天天氣不大好，濃霧迷漫，只能看到路邊的芒花。上星期五又去金瓜石騎車，運氣真好，是個豔陽高照的大晴天！金瓜石四週的山巒通通浮出來，總算看清草山雷達站的山勢。


哎呀呀，草山雷達站在對面的山頂，而我卻在貂山古道這邊的山頂，要先下坡，再慢慢的到山爬坡到對面的山頂！整條路鋪滿大大小小的石頭和破磚塊、碎磁磚，很難走。我很怕我的輪胎會被刺破。山壁很高，看不到山頂。山路難行，讓我看得眼睛暈眩，雙腿發軟！


不過，聽說在草山雷達站山頂，天氣好的時候，東北角海岸線盡收眼底，連福隆海水浴場也看得清清楚楚。有山、有海還有開得滿山遍野的芒花，這麼美麗的風景很想看看。頭低低，不敢抬頭看山頂，慢慢的
踩踏，一步，一步，緩緩的爬上去。










102縣道遠眺基隆嶼，金瓜石，2009.11














貂山古道
































草山雷達站遠眺東北角