When the singers go marching in/歌者行進

    本底演講稿我 u 寫三篇，結果猴囝仔比賽煞竟然 kah 講稿攏全 thai-thai--tiau，kann-na tshun tsit 篇 u 互我救倒轉來。Tioh kng tsia 互逐家罔參考

     大人會定定 kah 囝仔講，電視看卡少咧。M 過佇阮兜有一個節目，m 若是我愛看，大人 ma kap 我做陣看，he tioh 是 Discovery 頻道所播出的「流言終結者」。

     這個節目有兩個漢草真勇的查甫主持人，內容是針對一寡別人定定講或者是網路頂面塊流傳的話，用科學的試驗來證明這些話語是事實或者是無影。In 有一個專門做試驗的團隊，雖然有時因會講一寡話罔 khau-se，m 過 in 做實驗的時是足頂真，有時陣所使用的器具或者是模型，是大到會驚人，互我真期待看到 in 試驗所做出來的結果到底是怎樣。

     有一遍我聽媽媽講：「逐年學校攏愛辦科學展覽，其實若欲做科學研究，tioh 通好看這個節目，看人是按怎思考，找出問題了後煞落愛去推論、做分析。這些人 m 若是思考的理路真明，tioh 愛閤計算、製作模型、分工 iau 有協調。你看 in 親像是塊 sng，m過用這款方式運作，頭腦會進步。所以我真贊成你看這個節目，m過 m 是kann-na 看趣味 kap 結果，你上好是將 in 運作的過程看卡斟酌，ma 會凍家己找一寡問題去推論 kap 驗證。」

     聽了老母講 ka 落落長，我想講：「看一個電視節目，敢有必要 hiah 嚴肅？」M 過伊願意 kap 我做夥看電視，分享伊的想法，我感覺按呢 ma 是 bue-bai。我想，電視節目百百款，咱愛斟酌來選擇適合的節目來收看，按呢才是面對休閒活動的正確態度。