<< Marriage （1996.01.11-2008.05.20） | 回blog首頁 | 【大聲抗議】我是月里，不是阿信！ >>

May 21,2008

[台文習作]面對。適應kap改變

Tshin-tshiū tú tuì penn-pāng tshut-īnn ，kui sian lâng iáu lio̍h-á gōng-sîn-gōng-sîn。Tsái-khí tī pān-kong-sik khuàinn—tio̍h Becky，i tú-á-hóo thé-tio̍h tsuá-pue-á teh sù ím-liāu，khuànn guá ná-tshiū ū uē beh kóng，i mā lia̍h guá kim-kim-khuànn，m̄-koh pinn—a iáu ū pa̍t-lâng，guá pháinn-sè kóng hiah su-bit ê uē-tê，kiat-kó kàu liáu hā-pan，guá iáu-sī tsi̍t-jī tio̍h bô kóng khí。 

「Ài kā siáng kóng？Án-tsuánn khui-tshuì？」Tuì tsann-àm tio̍h khai-sí khà tshiú-ki-á hoo tsi̍t-kuá-lâng，ū nn̄g-thong tú-hóo tuì-hong lóng bô tsiap，guá tio̍h tī tian-uē lo̍k-im lāi-té kóng hōo bîng，sǹg kóng thong-ti ū tiō。M̄-koh iu-guân ū lâng iáu-buē thong-ti-tiò，siá E-mail kiann bô-kàu tsun-tiōng，tian-uē koh kiann kóng bô nn̄g kù tio̍h nâu-âu tīnn sīn-tsì tshut-siann háu，án-ne tuì-hong pah-bīn ē pí guá koh kha Orz……M̄-bat tú—kuè ê king-giām，guá iáu teh tshiau-tshuē sik-tōng ê moo-sik lâi tuì-ìng。  

Posted by amo581108 at 樂多Roodo! │21:14 │回應(6) │引用(0) │喃喃自語
樂多分類：日記/一般 工具：加入樂多書籤│編輯本文
Ads by Roodo! 

引用URL

http://cgi.blog.roodo.com/trackback/6061621
回應文章

Tō tsún lóng bô thong-ti mā bô-iáu-kín, bô siáⁿ-mih gī-bū tio̍h kā lâng thong-ti.

Tsóng--kóng 1 kù, kong-hí--lí.
Posted by Taokara at May 21,2008 21:28

Taokara kong liau chin tioh.
Posted by judie35 at May 22,2008 14:45
Pun-te siunn-kong kha ban u si-kan tsia lai sia hue-ing,m-koh iau si liong-tsa kong-kong--le:

E tsiap-tio gua tsu-tong thong-ti e lang,kha-ke si tsit-kua si-tua.Koh tsai kong,gua bo kah li-ian tong tsue su-iau am-kham e kian-siau-tai,ti-kau gua e suan-tik ing tsu-tong suat-bing e hong-sik.Na tsun si ki-thann hiah e goo-si-sann--e,he tioh bian ka tsap-siau--a XDD

Iau u tsit e bun-te:

Taokara li kam khak-ting si beh ka gua "kong-hi" m-si "kiong-hi"?!
Posted by Amo at May 22,2008 15:14

Guá khak-tīng sī beh kā lí "kiong-hí", m̄-sī beh kā lí "kòng-sí" XDD
Posted by Taokara at May 22,2008 19:05
Sui-jiân sǹg-sī ū siū-kuè sió-khuá hùn-liān, m̄-koh khuànn tsuân-lô iû-guân put-tsí-á tsia̍h-la̍t ==
Posted by NTNUTAIWAN at June 2,2008 17:29
Lâu-tíng ê siàu-liân-ke:

Īng tsuân-lô siá ê bo̍k-tik,tio̍h-sī thiâu-kang bô-ài hông khuànn-ū :P Tio̍h-sǹg kóng hun-in ê pit-sûn m̄-sī tsit nn̄g kang ê sū,kiù-tsin bué tn̄g mā tio̍h ài hā ki̍k-tuā ê kuat-sim,in-uī ua̍t-tńg koh-hô ê lōo í-king tsám-tn̄g.

Lī-iân ē-tàng sǹg pi-ko̍ik,iáu bô-sǹg tsua̍t-lōo,m̄-bián kiann XD
Posted by Amo at June 2,2008 22:11


回最上方