When the singers go marching in/歌者行進

夢中的你是母親；佇我心內給我愛。

走自由的路；行過悲情的過去。

走自由的路；殷望起造新世紀。

啊！玉山！台灣新國度，光榮的標記！

貝多芬「合唱」《快樂頌》台語歌詞  填詞：向陽

（男中音）喔  朋友，不是這款聲啦！

                    換一下，咱著愛擱卡歡喜來唱歌，

                    歡喜大聲唱歌。歡喜！

    （合唱）歡喜！

（男中音）歡喜！

    （合唱）歡喜！

（男中音）心情輕鬆，樂暢歡喜，迎接咱的新時代。

                    你我牽手，佇遮作伙，大家攏嘛笑咳咳。

                     四百年來，你我祖先，惦這個所在來企起，

                     無論先到，抑是後來，攏是姐妹佮兄弟。

     （合唱）四百年來，你我祖先，惦這個所在來企起，

                     無論先到，抑是後來，攏是姐妹佮兄弟。

（獨唱家們）四百年來，你我祖先，惦這個所在來企起，

                        無論先到，抑是後來，攏是姐妹佮兄弟。

                        誰欲得著光明人生，著佮朋友心連心。

                        誰欲得著美滿幸福，著愛珍惜真感情。

    （合唱）誰欲得著光明人生，著佮朋友心連心。

                    誰欲得著美滿幸福，著愛珍惜真感情。

（獨唱家們）花芳水甜，四季如春，大海廣闊山誠靈。

                        鬧熱街市，美麗田園，認真拍拼好前程。

                        社會和諧，國家安定，街頭巷尾相借問。

                        也有敬疼，也有感恩，咱的人生大光明。

    （合唱）社會和諧，國家安定，街頭巷尾相借問。

                    也有敬疼，也有感恩，咱的人生大光明。

（男高音）歡，喜，像天頂的月，每一暝，攏會送清輝；

                    嘛像東平的日頭，每早起，照出光明地。

                    兄弟，姐妹，向前行，兄弟，姐妹，向前行，

                    歡喜，若認真，就會贏，若認真，就會贏，

                    兄弟，姐妹，向前行。

（男高音加男聲合唱）兄弟，姐妹，向前行，歡喜，若認真，就會贏，

                                        歡喜，歡喜，歡喜，若認真，就會贏。

（大合唱）心情輕鬆，樂暢歡喜，迎接咱的新時代。

                    你我牽手，佇遮作伙，大家攏嘛笑咳咳。

                    四百年來，你我祖先，惦這個所在來企起，

                    無論先到，抑是後來，攏是姐妹佮兄弟。

                    四百年來，你我祖先，惦這個所在來企起，

                    無論先到，抑是後來，攏是姐妹佮兄弟。

    （合唱）兩千萬人著企鬥陣，將愛送互全世界。

                    兩千萬人著企鬥陣，將愛送互全世界。

                    朋友啊，佇任何所在，攏著拍拼，創造未來。

                    朋友啊，佇任何所在，攏著拍拼，創造未來。

                    兩千萬人，牽手蓮心，互世界聽咱的聲，

                    美麗島嶼啥攏好，嘛著骨力才會贏。

（合唱聲部  嘛著骨力才會贏。

歌詞交互歌  心情輕鬆，樂暢歡喜，迎接咱的新時代。

       唱）       你我牽手，佇遮作伙，大家攏嘛笑咳咳。

                      兩千萬人著企鬥陣，將愛送互全世界。

                      兩千萬人著企鬥陣，將愛送互全世界。

                      互全世界！