When the singers go marching in/歌者行進

今仔日禮拜以前的詩歌練唱，有聖詩第67首「我心讚美上帝」。 來長老教會這幾冬，定定攏會佇禮拜的時唱這條歌，所以我對這首詩歌不止熟。唱的時就若想講，歌詞閣看看咧就好。

不過唱到第三段，一下看到歌詞，煞雄雄來嗽聲— 

 「雖莽惡事暫時縱橫，公義穩當得勝」

 公義？！現此時佇緬甸面對暴力和死亡威脅的紅衣僧侶和民眾呢？昨天寄批互一寡朋友上網連署支持緬甸示威民眾，今仔日出門前收到殺手的回批，歷史科班出身的伊看這個局勢也感覺誠傷心。煞接的詩歌我無法度閣唱落去，因為目周開始濛霧，目屎也落佇目鏡頂面。

 公義從來不會對天自然降臨，我猶看不到上帝的時間表，甘礁會凍為這些勇敢的佛教徒祈禱。 

後記：用漢字寫實在足gáinn-gió，liá-tsún sì sit-pāi ê tsok-phín seng khǹg--lè，bô-êng koh kái。