雙餘館

春分、秋分个節氣神攏是一位姑娘

秋分，佮春分同款，是日暝對分个時陣。

秋分前後个滿月，佇世界个真濟所在，攏有一个特殊个地位。因為秋分前後个月娘尚偎近赤道，離地面較近、咱看起來都感覺伊較大、較圓。這是佇科學上叫做moon illusion个現象，都是講咱去予家已个目睭騙去，叫是即陣个月娘尚大尚圓。（flickr頂面有足濟好看个圖）

by trevjillustrator

佇東方，尚偎近秋分个一擺滿月，就是中秋節。古早中國个皇帝攏佇秋分即工拜月娘（春分朝日、秋分夕月）。佇西方，尤其是受到北歐神話影響个所在，即个時陣个月亮，叫做harvest moon。既然叫做harvest moon（收成个月娘），表示佮種作有關係。因為有傳說認為，去予即暫仔个月光照著个穡頭會較gau大，較緊會當收成。另外一種說法，都是月亮真光，暗時嘛會當利用伊个光線來收成。

佇台灣，即个時陣第二期个稻仔雖然猶袂當收成，但是已經開始結穗，稻仔尾沉重。所以有俗語講：「白露秋分，稻仔倒蹲」。

秋分三候是：雷始收聲、蟄蟲坯戶、水始涸。意思是講秋天行到一半，已經無啥可能閣聽著霆雷个聲矣。另外，遐个驚蟄時走出來亂亂 sô个蟲，即馬又閣趡（Nng）入去土跤，順soa閣用土ka孔口糊予密，準備欲匿起來過寒天。秋天嘛較少落雨，所以講水始涸。

不過節氣講个是中國北方个情形。北爿本底欠水，所以講到秋天來四界个窟仔水漸漸都乾去。但是南爿个氣候都無仝啊。像《莊子》个＜秋水＞篇，內面寫个佮「水始涸」完全顛倒：「秋水時至，百川灌河，涇流之大，兩涘渚崖之閒，不辨牛馬。於是焉河伯欣然自喜，以天下之美為盡在己。」

咱寫文章謳咾人个目睭，嘛常常使用「秋水」來譬論眼神个清泱泱。所以秋天个水照講是袂乾涸涸才對。進前个風颱有落大雨，雖然已經過一禮拜矣，我即兩日仔駛車經過西螺大橋个時陣，猶看著西螺溪底个水淹淹湧湧。

秋水，應該都是即款个範勢。




今年秋分九月廿二，拜一。



［華語對譯］

春分、秋分的節氣神都是一位姑娘

秋分，和春分一樣，是日夜各半的時候。

秋分前後的滿月，在世界上很多地方，都有一個特殊的地位。因為秋分前後的月亮最靠近赤道，離地面較近、我們看起來就感覺它較大、較圓。這在科學上是叫做moon illusion的現象，就是說我們被自己的眼睛騙了，以為這陣子的月亮最大最圓。（flickr上面有很多好看的圖）


在東方，最靠近秋分的一次滿月，就是中秋節。古時候中國的皇帝都在秋分這天晚上拜月亮（春分朝日、秋分夕月）。在西方，尤其是受到北歐神話影響的地方，這時候的月亮，叫做harvest moon。既然叫做harvest moon（收穫之月），表示和農作有關係。因為有傳說認為，讓這陣子的月亮照到的作物會長得比較快，可以早點收成。另外一種說法，就是月亮很亮，夜裡也可就著明亮的月光來收成。

在台灣，這個時候第二期稻作雖然還不能收成，但是已經開始結穗，稻子尾沉重。所以有俗語講：「白露秋分，稻仔倒蹲」。

秋分三候是：雷始收聲、蟄蟲坯戶、水始涸。意思是說秋天已過了一半，已經不太可能再聽到打雷的聲音了。另外，那些驚蟄時走出來亂亂跑的蟲，現在又再鑽入地下，順便用土把洞口封實，準備要藏起來過冬天。秋天也比較少下雨，所以說水始涸。

不過節氣講的是中國北方的情形。北方本來就缺水，所以說到了秋天到處水塘的水都漸漸乾了。但是南方的氣候就不同了。像《莊子》的＜秋水＞篇，裡面寫的和「水始涸」完全相反：「秋水時至，百川灌河，涇流之大，兩涘渚崖之閒，不辨牛馬。於是焉河伯欣然自喜，以天下之美為盡在己。」

我們寫文章稱讚人的眼睛，也常常使用「秋水」來比喻眼神的清亮。所以南方秋天的水照說是不會乾涸才對。之前的颱風帶來豪雨，雖然已經過了一個禮拜了，我這兩天開車經過西螺大橋的時候，還看到西螺溪底的溪水淹淹湧湧。

秋水，應該就是這般的模樣。

今年秋分九月廿二日，星期一。



終於找到一首應景的曲子可以播了：

Neil Young, "Harvest Moon"